"தேர்தலில் தோற்று இருந்தாலும், கொள்கையில் வெற்றி கொண்டவர்கள் யாருமில்லை" - சீமான்

தேர்தலில் தோற்று இருந்தாலும், கொள்கையில் தங்களை வெற்றி கொண்டவர்கள் யாருமில்லை என சீமான் தெரிவித்துள்ளார். நடிகரும் பா.ஜ.க. நிர்வாகியுமான சரத்குமாரின் பிறந்தநாள் விழாவில் பேசிய அவர், இன்றைக்கு இல்லையென்றால் நாளை வெல்வோம், என்றாவது ஒருநாள் வென்றே தீருவோம் என்றார். பின்னர் நிகழ்ச்சியில் பேசிய சரத்குமார், வாழ்க்கையில் தோல்வியும் நிரந்தரமல்ல, வெற்றியும் நிரந்தரமல்ல, ஜப்பானில் மக்கள் 130 வயது வரை வாழ்வது போல, தாம் 150 வயது வரை வாழ வேண்டும் என்ற எண்ணத்தோடு இருப்பதாக கூறினார்.