மதுரை மாவட்டம் அலங்காநல்லூர் அருகே தலையில் அரிவாளால் வெட்டப்பட்ட நிலையில் ஓடி வந்த கல்லூரி மாணவரை மீட்ட பொதுமக்கள் மருத்துவமனைக்கு அனுப்பி வைத்தனர். அ.கோவில்பட்டியைச் சேர்ந்த சஞ்சய்குமார் என்ற இளைஞர் தனது நண்பருடன் பைக்கில் சென்று கொண்டிருந்த போது வழிமறித்த கும்பல் சரமாரியாக அரிவாளால் வெட்டியது. அந்தக் கும்பலிடம் இருந்து தப்பிய சஞ்சய்குமாரும் அவரது நண்பரும் குமாரம் என்ற இடத்தில் பொதுமக்களிடம் தஞ்சம் அடைந்தனர். கும்பல் யார், வெட்டியது ஏன் என விசாரணை நடைபெற்று வருகிறது.