உலகம் முழுவதும் இன்று வெளியான ஹாலிவுட் இயக்குநர் கிறிஸ்டோபர் நோலனின் 'தி ஒடிசி' திரைப்படத்துக்கு பார்வையாளர்கள் நேர்மறையான விமர்சனத்தை சமூக ஊடகங்களில் பதிவிட்டு வருகின்றனர். படத்தின் பிரம்மாண்டம், காட்சியமைப்புகள், திரைக்கதை மிகச் சிறப்பாக இருப்பதாக நெட்டிசன்கள் தெரிவித்துள்ளனர். கிறிஸ்டோபர் நோலனின் இதுவரை வெளியான திரைப்படங்களில் இதுவே அவரது மாஸ்டர்பீஸ் என்றும் பாராட்டியுள்ளனர். படம் மெதுவாகச் சென்றாலும், அதன் பிரமாண்டம், ஒலி அமைப்பு, நடிகர்களின் உணர்ச்சிப்பூர்வமான நடிப்பு போன்றவை, சிறந்த அனுபவத்தைக் கொடுப்பதாக ஒரு சிலர் குறிப்பிட்டுள்ளனர். கிறிஸ்டோபர் நோலனின் டெனெட், ஓப்பன்ஹைமர் போன்ற படங்களைவிடவும் "தி ஒடிசி" திரைப்படம் சிறப்பாக இருப்பதாகவும் சிலர் தெரிவித்துள்ளனர்.