ICC ODI உலகக் கோப்பை 2027: தென்னாப்பிரிக்கா, ஜிம்பாப்வே, நமீபியாவில் 12 மைதானங்கள் அதிகாரப்பூர்வமாக அறிவிப்பு! சர்வதேச கிரிக்கெட் கவுன்சில் (ICC), 2027 ஆடவர் ஒருநாள் (ODI) உலகக் கோப்பிக்கான 12 போட்டி மைதானங்களை அதிகாரப்பூர்வமாக அறிவித்துள்ளது. இந்த உலகக் கோப்பை தென்னாப்பிரிக்கா, ஜிம்பாப்வே மற்றும் நமீபியா ஆகிய மூன்று நாடுகளில் நடைபெறவுள்ளது. 2003 உலகக் கோப்பிக்குப் பிறகு, 24 ஆண்டுகள் கழித்து உலகக் கோப்பை மீண்டும் ஆப்பிரிக்க கண்டத்திற்குத் திரும்புகிறது. ஜொஹன்னஸ்பர்க்கில் நடைபெற்ற சிறப்பு விழாவில் போட்டி நடத்தும் நகரங்கள் மற்றும் உலகக் கோப்பையின் புதிய பிராண்ட் (Brand Identity) அறிமுகப்படுத்தப்பட்டது. தென்னாப்பிரிக்காவில் 8 மைதானங்கள், ஜிம்பாப்வேயில் 3 மைதானங்கள் மற்றும் நமீபியாவில் 1 மைதானம் உலகக் கோப்பை போட்டிகளை நடத்தவுள்ளன. 🏟️ 2027 ODI உலகக் கோப்பை மைதானங்கள் 🇿🇦 தென்னாப்பிரிக்கா (8): Wanderers Stadium – Johannesburg Centurion – Tshwane Newlands Cricket Ground – Cape Town Kingsmead – Durban St George's Park – Gqeberha Mangaung Oval – Bloemfontein Boland Park – Paarl Buffalo Park – East London 🇿🇼 ஜிம்பாப்வே (3): Harare Sports Club – Harare Queens Sports Club – Bulawayo Fale Mosi-oa-Tunya International Cricket Stadium – Victoria Falls 🇳🇦 நமீபியா (1): Namibia Cricket Ground – Windhoek ICC வெளியிட்ட தகவலின்படி, 2027 உலகக் கோப்பியில் 14 அணிகள் பங்கேற்கின்றன. போட்டி புதிய மூன்று கட்ட (Three-stage) வடிவத்தில் நடைபெறும். ஆரம்ப சுற்றுக்குப் பிறகு Super Seven சுற்று நடைபெறும். அதில் முதல் நான்கு அணிகள் அரையிறுதிக்கு முன்னேறும். மொத்தம் 57 போட்டிகள் நடைபெறவுள்ளன. ICC தலைவர் ஜெய் ஷா, "24 ஆண்டுகளுக்குப் பிறகு உலகக் கோப்பை மீண்டும் ஆப்பிரிக்காவிற்கு திரும்புவது கிரிக்கெட்டுக்கு ஒரு முக்கிய தருணம். தென்னாப்பிரிக்கா, ஜிம்பாப்வே மற்றும் நமீபியா இணைந்து ரசிகர்களுக்கு மறக்க முடியாத உலகக் கோப்பை அனுபவத்தை வழங்கும்" என்று தெரிவித்துள்ளார்.