பிரபல ஹாலிவுட் நடிகர் நிக்கோலஸ் கேஜ் நடித்த "ஃபோர்ட்டிட்யூட்" ((Fortitude)) திரைப்படம் திருடப்பட்ட விவகாரத்தில், நெட்பிளிக்ஸ் நிறுவனத்திடம் சுமார் 870 கோடி ரூபாய் இழப்பீடு கேட்டுத் படத்தின் தயாரிப்பாளர் வழக்கு தொடர்ந்துள்ளார். 45 மில்லியன் டாலர் செலவில் இரண்டாம் உலகப்போரை மையமாகக் கொண்டு தயாரிக்கப்பட்ட "ஃபோர்ட்டிட்யூட்" படத்தை விநியோகம் செய்வதற்காக, அதன் என்க்ரிப்ட் செய்யப்படாத ஒரிஜினல் மாஸ்டர் நகல் நெட்பிளிக்ஸிடம் ஒப்படைக்கப்பட்டது. அடுத்த 9 நாட்களில் அந்த நகல் திருடப்பட்டுவிட்டதாக நெட்பிளிக்ஸ் கூறியுள்ளது. படம் இணையத்தில் கசியும் அபாயம் காரணமாக அதன் சந்தை மதிப்பு முற்றிலும் பாழாகிவிட்டது என்றும் எந்தவொரு விநியோகஸ்தரும் இனி பல மில்லியன் டாலர் கொடுத்து படத்தை வாங்க முன்வர மாட்டார்கள் என்பதால், இழப்பீடு தர வேண்டும் எனவும் தயாரிப்பாளர் தரப்பு கூறுகிறது. ஆனால் "தொழிற்துறை பாதுகாப்பு நடைமுறைகள் இன்றி ஒப்படைக்கப்பட்ட ஒரு திரைப்படத்தின் இழப்பு அபாயத்திற்குத் தாங்கள் பொறுப்பேற்க முடியாது என நெட்பிளிக்ஸ் தெரிவித்துள்ளது.