இயக்குநர் மதிமாறன் புகழேந்தி இயக்கத்தில், ஜி.வி.பிரகாஷ் குமார் இசையில், நடிகர் சூரி நடிப்பில் உருவாகியுள்ள 'மண்டாடி' திரைப்படத்தின் இசை வெளியீட்டு விழா சென்னையில் நடைபெற்றது. இதில் சிறப்பு விருந்தினராக இயக்குனர்கள் வெற்றிமாறன், ஆர் ஜே பாலாஜி மற்றும் படக்குழுவினர் சத்யராஜ் ,GV பிரகாஷ் குமார் உள்ளிட்ட பலர் பங்கேற்றனர். நாகை மாவட்டத்தைச் சேர்ந்த மீனவர்களையும், அவர்களின் படகுப் போட்டிகளையும் மையமாகக் கொண்டு உருவாகியுள்ள இந்த திரைப்பட விழாவில் பேசிய நடிகர் சூரி, தனது தாயாரை மேடைக்கு அழைத்து வந்து அறிமுகம் செய்து பேச வைத்தார்.