எஸ்.ஐ.ஆர் நடவடிக்கைகளின்போது தலைமை தேர்தல் ஆணையர் மற்றும் சக ஆணையர்களுக்கு இடையே கருத்து வேறுபாடுகள் நிலவியதாக தகவல் வெளியான நிலையில், இந்திய தேர்தல் ஆணையம் அதற்கு மறுப்பு தெரிவித்துள்ளது. எஸ்.ஐ.ஆர். நடவடிக்கையின் போது தங்களுக்கு தெரியாமல் பல்வேறு சந்தர்ப்பங்களில் தன்னிச்சையாக முடிவுகள் எடுக்கப்பட்டதாகக்கூறி இரு ஆணையர்களும் அதிருப்தி தெரிவித்ததாக செய்திகள் வெளியானது. இதற்கு பதிலளித்த தேர்தல் ஆணையம், ஒரு விஷயம் பற்றி முடிவெடுக்கும் முன் கருத்து வேறுபாடுகள் எழுவது இயல்பானதுதான் என்றும் எஸ்.ஐ.ஆர். உள்ளிட்ட நடவடிக்கைகளின் போதும், சீர்திருத்தங்களின் போதும் ஒருமனதாகவே முடிவுகள் எடுக்கப்பட்டதாகவும் தெரிவித்துள்ளது. ஆணையர்கள் மட்டுமின்றி ஆணையத்தின் ஒவ்வொரு அதிகாரியும் பரிந்துரைகளை கூற அதிகாரம் உள்ளதாக சுட்டிக்காட்டிய தேர்தல் ஆணையம், அரசமைப்பு சட்டத்தின் விதிகள், நடைமுறைகளை பின்பற்றியே தாங்கள் செயல்படுவதாக தெரிவித்துள்ளது.