கோரிக்கை விடுத்த 3 நாட்களில் மாற்றுத்திறனாளி தம்பதிக்கு தொழில் துறை அமைச்சர் கீர்த்தனா காய்கறி கடை அமைத்து தந்துள்ளார்.

விருதுநகர் மாவட்டம் சிவகாசியில் வாழ்வாதார மேம்பாட்டிற்காக பெட்டிக்கடை அமைத்து தர வேண்டும் என மாற்றுத்திறனாளி தம்பதி கோரிக்கை விடுத்த 3 நாட்களில் அவர்களுக்கு தொழில் துறை அமைச்சர் கீர்த்தனா காய்கறி கடை அமைத்து தந்துள்ளார். சிவகாசி அருகே சாட்சியாபுரத்தை சேர்ந்த மாற்றுத்திறனாளி தம்பதி குமார்- பேச்சியம்மாள் , சார் ஆட்சியர் அலுவலகம் அருகே சாலையோரக்கடை அமைத்து மருத்துவ குணம் கொண்ட முடவாட்டு கிழங்கு வியாபாரம் செய்து வந்தனர். தங்களது வாழ்வாதார மேம்பாட்டிற்காக பெட்டிக்கடை மற்றும் இலவச வீடு வழங்க வேண்டும் என அரசுக்கு வேண்டுகோள் விடுத்த நிலையில், தற்போது காய்கறி கடை அமைத்துக் கொடுக்கப்பட்டுள்ளது. இதன் திறப்பு நிகழ்வில், ஆனந்த கண்ணீர் வடித்த மாற்றுத் திறனாளியான குமாரின் தாய் ராமுவை அமைச்சர் கீர்த்தனா ஆரத்தழுவி ஆசுவாசப்படுத்தினார்.