ஈரானை சர்வதேச நிதி மற்றும் வர்த்தகத்திலிருந்து தனிமைப்படுத்த அமெரிக்கா நடவடிக்கை..

புதன்கிழமை முதல் ஈரானின் விமானங்கள் சர்வதேச அளவில் செயல்படாத வகையில் முழுமையாக முடக்கப்படும் என்று அமெரிக்க நிதியமைச்சர் ஸ்காட் பெசென்ட் ((Scott Bessent)) தெரிவித்துள்ளார். ஈரானுக்கு எதிரான அமெரிக்காவின் இரண்டாவது கட்டப் பொருளாதாரத் தடைகளின் ஒரு பகுதியாக இந்த நடவடிக்கை எடுக்கப்படுவதாக அவர் கூறியுள்ளார். ஈரான் விமானங்களுக்கு எரிபொருள் நிரப்புதல், தரையிறங்கும் சேவைகளை வழங்குதல், பயணச் சீட்டுகளை விற்பனை செய்யும் வெளிநாட்டு நிறுவனங்கள் மற்றும் விமான நிலையங்கள் மீது அமெரிக்கா கடுமையான தடைகளை விதிக்கும் என்றும் ஸ்காட் பெசென்ட் கூறியுள்ளார். மீறும் நிறுவனங்கள் அமெரிக்க டாலர் பணப் பரிவர்த்தனை அமைப்பிலிருந்து முற்றிலுமாக துண்டிக்கப்படும் என்றும் எச்சரித்துள்ளார்.