லட்சக்கணக்கான மக்கள் தவெகவுக்கு வாக்களித்ததால் கோடிக்கணக்கான மக்களுக்கு துன்பம் என மு.க.ஸ்டாலின் வேதனை. தமிழகத்தில் கிராமத்திற்கு கிராமம், வீட்டிற்கு வீடு பட்டதாரிகளும் மருத்துவர்களும் இருக்கிறார்கள் என்று சொன்னால், அதற்குக்காரணம் 'திராவிட இயக்கம்' என்பதை யாரும் மறந்துவிடக் கூடாது என்று திமுக தலைவர் மு.க.ஸ்டாலின் தெரிவித்துள்ளார். கருணாநிதி சகோதரியின் மகன் திரைப்பட இயக்குநர் அமிர்தம் இல்ல திருமண நிகழ்ச்சியில் பங்கேற்று பேசிய மு.க.ஸ்டாலின், வரலாறு தெரியாத இளைஞர்களால் ஒரு மாற்றம் தமிழ்நாட்டில் ஏற்பட்டு ஏமாற்றமாக மாறி இருக்கிறது என்று விமர்சித்தார்.