ಗೂಗಲ್​ನಿಂದ ‘ಪ್ರಾಜೆಕ್ಟ್ ಸನ್​ಕ್ಯಾಚರ್’; ಬಾಹ್ಯಾಕಾಶದಲ್ಲಿ ನಡೆಯಲಿದೆ ಟಿಪಿಯು ಪರೀಕ್ಷೆ; ಡಾಟಾ ಸೆಂಟರ್ಸ್ ಸಮಸ್ಯೆ ನಿವಾರಣೆಯತ್ತ ಹೆಜ್ಜೆ

ಭೂಮಿಯ ಮೇಲೆ ವಿಪರೀತವಾಗಿ ವಿದ್ಯುತ್ ಮತ್ತು ನೀರು ಬೇಡುವ ಡಾಟಾ ಸೆಂಟರ್​ಗಳ ದಾಹ ತಣಿಸಲು ಮನುಷ್ಯರ ಹೊಸ ಪ್ರಯತ್ನ ನಡೆದಿದೆ. ಗೂಗಲ್ ಸಂಸ್ಥೆ ಬಾಹ್ಯಾಕಾಶದಲ್ಲಿ ಡಾಟಾ ಸೆಂಟರ್ ನಿರ್ಮಿಸುವ ಪ್ರಯೋಗ ಮಾಡುತ್ತಿದೆ. ಪ್ರಾಜೆಕ್ಟ್ ಸನ್ ಕ್ಯಾಚರ್​ನಲ್ಲಿ ಒಂದು ಸೆಟಿಲೈಟ್​ನಲ್ಲಿ ಟಿಪಿಯುವನ್ನು ಬಾಹ್ಯಾಕಾಶಕ್ಕೆ ಕಳುಹಿಸಿ ಪರೀಕ್ಷಿಸಲು ನಿರ್ಧರಿಸಿದೆ.