தமிழ்நாட்டில் பெருந்தலைவர் காமராஜர் காலை உணவுத் திட்டம் மேலும் 7,537 பள்ளிகளுக்கு விரிவுபடுத்தப்பட்டுள்ளது. இதன் மூலம் கூடுதலாக 15 லட்சத்து 30 ஆயிரம் மாணவர்கள் பயன்பெற உள்ளனர். சென்னை திருவான்மியூரில் உள்ள அரசு நடுநிலைப் பள்ளியில் நடைபெற்ற நிகழ்ச்சியில் முதலமைச்சர் விஜய், விரிவாக்கப்பட்ட காலை உணவுத் திட்டத்தை தொடங்கி வைத்தார். பள்ளிக் குழந்தைகளுக்கு சர்க்கரை பொங்கல் பரிமாறிய முதலமைச்சர் விஜய் திட்டத்தை தொடங்கி வைத்த முதலமைச்சர் விஜய், பள்ளிக் குழந்தைகளுக்கு சர்க்கரை பொங்கல் பரிமாறினார். தொடர்ந்து மாணவர்களுடன் அமர்ந்து காலை உணவை அருந்தினார். View this post on Instagram அப்போது அருகில் அமர்ந்திருந்த குழந்தைகளுடன் பேசியபடியே முதலமைச்சர் விஜய் காலை உணவு சாப்பிட்டார். உணவு அருந்திய பின்னர், தான் பயன்படுத்திய தட்டை தானே எடுத்துச் சென்றார். மாணவர்களுக்கு தண்ணீர் வழங்கிய முதலமைச்சர் காலை உணவு அருந்திய மாணவர்களை முதலமைச்சர் விஜய் கனிவுடன் கவனித்துக் கொண்டார். தனது நண்பருக்கு தண்ணீர் வேண்டும் என ஒரு மாணவன் கேட்டபோது, முதலமைச்சர் விஜய் டம்ளரில் தண்ணீர் வழங்கினார். மாணவர்களுடன் இயல்பாக உரையாடியபடி காலை உணவு அருந்திய முதலமைச்சர் விஜயின் செயல்பாடுகள் அங்கிருந்தவர்களின் கவனத்தை ஈர்த்தன. வகுப்பறைகளுக்குச் சென்று மாணவர்களுடன் உரையாடல் தொடர்ந்து திருவான்மியூர் அரசு நடுநிலைப் பள்ளியில் முதலமைச்சர் விஜய் ஆய்வு மேற்கொண்டார். பள்ளியில் உள்ள வகுப்பறைகளுக்குச் சென்று மாணவர்களுடன் கலந்துரையாடினார். View this post on Instagram மாணவர்களின் படிப்பு மற்றும் பள்ளி செயல்பாடுகள் குறித்து கேட்டறிந்த அவர், குழந்தைகளுடன் கலந்துரையாடி மகிழ்ந்தார். பள்ளிக்கு வெளியே பொதுமக்களை சந்தித்த முதலமைச்சர் பள்ளியில் ஆய்வை முடித்துவிட்டு வெளியே வந்த முதலமைச்சர் விஜயை சந்திக்க பள்ளிக்கு வெளியே பொதுமக்கள் திரண்டிருந்தனர். View this post on Instagram சாலை நெடுகிலும் இருபுறமும் திரண்டு நின்ற பொதுமக்களை பார்த்து முதலமைச்சர் விஜய் கையசைத்தார். இதனால் அப்பகுதியில் உற்சாகமான சூழல் நிலவியது. 15.30 லட்சம் மாணவர்கள் கூடுதலாக பயன்பெறுவர் காமராஜர் காலை உணவுத் திட்டம் விரிவாக்கம் செய்யப்பட்டதன் மூலம் கூடுதலாக 15 லட்சத்து 30 ஆயிரம் மாணவர்கள் பயன்பெற உள்ளனர். View this post on Instagram விரிவாக்கப்பட்ட திட்டத்தின் கீழ் 1 முதல் 8ஆம் வகுப்பு வரை பயிலும் மாணவர்களுக்கு காலை உணவு வழங்கப்படுகிறது. இதற்காக ஆண்டுக்கு ரூ.724 கோடி நிதி ஒதுக்கப்பட்டுள்ளது. மேலும் 7,537 பள்ளிகளில் திட்டம் விரிவுபடுத்தப்பட்டுள்ளதால், அரசுப் பள்ளிகளில் பயிலும் மாணவர்களுக்கு பள்ளி தொடங்கும் முன்பாக சத்தான காலை உணவு கிடைக்கும் வகையில் திட்டம் செயல்படுத்தப்படுகிறது.