டிரம்ப் பயணித்த Air Force One விமானத்தை சுட்டு வீழ்த்த ஈரான் முயற்சியா? ரகசியமாக மாற்றப்பட்ட விமானம்

நேட்டோ மாநாட்டில் பங்கேற்க ஈரானின் அண்டை நாடான துருக்கிக்குச் சென்ற டிரம்ப், அங்கிருந்து பிரிட்டனுக்கு செல்ல, தான் வழக்கமாக பயணிக்கும் Air Force One விமானத்துக்கு பதில், அதற்கு பாதுகாப்பாக செல்லும் ராணுவ விமானத்தில் ரகசியமாக பயணித்ததாக தகவல் வெளியாகி உள்ளது. Air Force One விமானத்தை சுட்டு வீழ்த்த ஈரான் முயற்சிக்கக்கூடும் என உளவுத்துறை எச்சரித்ததால் டிரம்ப் மற்றொரு விமானத்துக்கு மாற்றப்பட்டதாக கூறப்படுகிறது. கேமராகள் முன்னிலையில் Air Force One விமானத்தில் ஏறிய டிரம்ப், பின்னர் கேட்டரிங் லாரி மூலம் ரகசியமாக மற்றொரு ராணுவ விமானத்துக்கு மாற்றப்பட்டதாக Washington Post பத்திரிகை தெரிவித்துள்ளது. Air Force One விமானத்தில் டிரம்புடன் பயணிக்கும் பெரும்பாலான அதிகாரிகளுக்கும், பத்திரிகையாளர்களுக்கும் இது தெரியாது என்றும் கூறப்படுகிறது.