பாரத ரத்னா எம்.எஸ். சுப்புலட்சுமியின் வாழ்க்கையை மையமாகக் கொண்டு பிரம்மாண்டமான பயோபிக் திரைப்படம் உருவாக உள்ளது. அவரது 110-வது பிறந்தநாளை முன்னிட்டு இப்படம் அதிகாரப்பூர்வமாக அறிவிக்கப்பட்டுள்ளது. கவுதம் தின்னனூரி இயக்கும் இப்படத்தில், எம்.எஸ். சுப்புலட்சுமி கதாபாத்திரத்தில் ராஷ்மிகா மந்தனா நடிக்கிறார். அனிருத் ரவிச்சந்தர் இசையமைக்கிறார். தயாரிப்பாளர்கள் அல்லு அரவிந்த், ராக்லைன் வெங்கடேஷ் மற்றும் பன்னி வாசு ஆகியோர் இணைந்து இப்படத்தை தயாரிக்கின்றனர். சென்னை மியூசிக் அகாடமியில் நாளை நடைபெறும் இத்திரைப்படத்தின் தொடக்க விழாவை நடிகர் கமல்ஹாசன் தொடங்கி வைக்கிறார். எம்.எஸ். சுப்புலட்சுமியின் இசைப் பயணம், அவரது தனிப்பட்ட வாழ்க்கை, போராட்டங்கள் மற்றும் இந்திய இசைக்கு அவர் ஆற்றிய பங்களிப்பு ஆகியவற்றை புதிய தலைமுறையினரிடம் கொண்டு செல்லும் வகையில் இப்படம் உருவாகிறது. எம்.எஸ். சுப்புலட்சுமியின் அழியாத வரலாறு இனி வெள்ளித்திரையிலும் பதிவு செய்யப்பட உள்ளது.