🎬 'DC' படத்திற்கு 'A' சான்றிதழ்... ஆகஸ்ட் 7-ம் தேதி உலகம் முழுவதும் திரையரங்குகளில் ரிலீஸ்! இயக்குநர் லோகேஷ் கனகராஜ் கதாநாயகனாக அறிமுகமாகும் 'டிசி' திரைப்படத்திற்கு, மத்திய திரைப்பட சான்றிதழ் வாரியம் (CBFC) 'ஏ' (Adults Only) சான்றிதழ் வழங்கியுள்ளது. இப்படத்தை அருண் மாதேஸ்வரன் இயக்கியுள்ள நிலையில், சன் பிக்சர்ஸ் நிறுவனம் தயாரித்துள்ளது. லோகேஷ் கனகராஜுடன் வாமிகா கபி, சஞ்சனா கிருஷ்ணமூர்த்தி உள்ளிட்டோர் முக்கிய கதாபாத்திரங்களில் நடித்துள்ளனர். இசையமைப்பாளர் அனிருத் ரவிச்சந்தர் படத்திற்கு இசையமைத்துள்ளார். சமீபத்தில் வெளியான டிரெய்லர் மற்றும் பாடல்கள் ரசிகர்களிடம் நல்ல வரவேற்பைப் பெற்ற நிலையில், படத்தின் வன்முறை நிறைந்த ஆக்ஷன் காட்சிகள் பெரும் கவனத்தை ஈர்த்தன. இதையடுத்து தற்போது 'ஏ' சான்றிதழ் வழங்கப்பட்டுள்ளதால், படம் பெரிய திரையில் எப்படி வரவேற்பைப் பெறும் என்ற எதிர்பார்ப்பு அதிகரித்துள்ளது. இதற்கிடையில், படக்குழு வெளியிட்டுள்ள புதிய போஸ்டரில் "DC is Certified 'A'" என்ற அறிவிப்புடன், ஆகஸ்ட் 7 முதல் உலகம் முழுவதும் திரையரங்குகளில் படம் வெளியாகும் என அதிகாரப்பூர்வமாக உறுதி செய்யப்பட்டுள்ளது.