துலூஸ் - மெல்போர்னுக்கு இடையே நேரடி விமான சோதனை..!

குவாண்டஸ் நிறுவனத்தின் அதி நெடுந்தூரம் பயணிக்கும் ஏர் பஸ் விமானம் A350((-1000ULR)), சுமார் 19 மணி நேரம் இடைவிடாது பறந்து சோதனையை வெற்றிகரமாக நிறைவு செய்துள்ளது. சிட்னியிலிருந்து லண்டனுக்கு நேரடி விமான சேவை வழங்கும் குவாண்டஸ் நிறுவனத்தின் எதிர்கால திட்டத்திற்கான முதல் சோதனை பயணமாக, நேற்று பிரான்சின் துலூஸில் உள்ள ஏர்பஸ் நிறுவன ஆலையிலிருந்து ஆஸ்திரேலியாவின் மெல்போர்ன் நகருக்கு ஏர் பஸ் A350 விமானம் புறப்பட்டது. சுமார் 17 ஆயிரம் கிலோமீட்டர் தூரத்தை 19 மணி நேரம் இடைவிடாமல் பயணித்த விமானம், இன்று மெல்போர்னில் தரையிறங்கியது. சுமார் 60 ஆயிரத்திற்கும் மேற்பட்டோர் இந்த விமான பயணத்தை இணையத்தில் டிராக் செய்துள்ளனர். 22 மணி நேரம் இடைவிடாது பயணிக்கும் வகையில் வடிவமைக்கப்பட்ட இந்த விமானத்தில், கூடுதலாக 20 ஆயிரம் லிட்டர் எரிபொருளை இருப்பு வைக்க முடியும் என்பதால், சுமார் 18,500 கிலோமீட்டர் தூரம் இடைவிடாமல் பறக்க உதவுகிறது.