சீனாவில், செயற்கை நுண்ணறிவு தொழில்நுட்பத்துடன் இணைந்த ரோபோடிக்ஸ் துறை வேகமாக வளர்ந்து வருவதாக அந்நாட்டின் தொழில் மற்றும் தகவல் தொழில்நுட்பத் துறை தெரிவித்துள்ளது. உலக அளவில், மனித உருவ ரோபோட் தயாரிப்புகளின் எண்ணிக்கையில் சீனாவின் பங்கு 50 சதவீதத்துக்கும் அதிகமாக உள்ளதாகவும் கூறப்படுகிறது. நான்கு கால்களில் இயங்கும் ரோபோட்களின் உலகளாவிய விற்பனையில் 70 சதவீதத்தை சீனா கொண்டுள்ளதாகவும் அதிகாரிகள் தெரிவித்தனர். சீனாவில் 400-க்கும் மேற்பட்ட மனித உருவ ரோபோட் மாதிரிகள் உருவாக்கப்பட்டுள்ளதாகவும், இது உலக அளவில் 50 சதவீதத்துக்கும் அதிகம் என கூறப்படுகிறது.