நுகர்வோர் எளிதில் அறியும் வகையில் சோப்புகள், ஷாம்புகள், பற்பசை, அழகுசாதனப் பொருட்கள், கழிப்பறைப் பொருட்களின் தயாரிப்புகள் சைவமா அல்லது அசைவமா என்பதை கண்டறிய புதிய விதிமுறைகளை மத்திய அரசு வெளியிட்டுள்ளது. புதிய விதிகளின்படி, சைவப் பொருட்களில் பச்சைப் புள்ளியும், அசைவப் பொருட்களில் சிவப்பு அல்லது பழுப்பு நிறப் புள்ளியும் கட்டாயம் இருக்க வேண்டும். இந்த குறியீடு நுகர்வோர் எளிதில் அறியும் வகையில் பேக்கிங்கின் மேல் பகுதியில் முதன்மையாக இருக்க வேண்டும். மத்திய அரசின் நுகர்வோர் விவகார அமைச்சகத்தின் புதிய விதிகள் தொடர்பான அறிவிப்பு, கடந்த திங்கள்கிழமை முதல் நடைமுறைக்கு வந்துள்ளது.