அறையில் எரிந்து சடலமாக SI சென்னை நுங்கம்பாக்கம் லேக் ஏரியா முதல் தெருவில் வசித்து வந்தவர் ஆயுதப்படை உதவி ஆய்வாளர் ராஜி (58). இவரது மனைவி செல்வராணி. செல்வராணிக்கு 14 வயதில் உடல்நிலை சரியில்லாமல் போனபோது, உறவினர் ராஜி தான் செலவு செய்து பார்த்து வந்துள்ளார். செல்வராணியை பின்னாளில் ராஜியே திருமணம் செய்து கொண்டுள்ளார். கணவன் மனைவி இடையே 26 வயது வித்தியாசம் இருந்துள்ளது. ராஜி - செல்வராணி தம்பதிக்கு மூன்று பிள்ளைகள் உள்ளனர். இந்நிலையில், கடந்த 19 ஆம் தேதி வீட்டில் இருந்த ராஜி உடல் கருகிய நிலையில் சடலமாக மீட்கப்பட்டார். தகவல் அறிந்த துணை ஆணையர் பொன்ராஜ், காவல் ஆய்வாளர் ராமசுந்தரம் மற்றும் போலீசார் சம்பவ இடத்திற்கு தடவியல் நிபுணர்களோடு சென்றனர். உடலை மீட்ட போலீசார், கீழ்பாக்கம் அரசு மருத்துவமனைக்கு உடற்கூராய்விற்காக அனுப்பி வைத்தனர். விசாரணையில் பல திடுக்கிடும் தகவல்கள்..! போலீசார், செல்வராணியிடம் கேட்டபோது தனது கணவர் முந்தைய நாள் காளஹஸ்தி கோவிலுக்கு சென்று சாமி கும்பிட்டுவிட்டு வந்ததாகவும், அவர் கடும் மன உளைச்சலில் இருந்ததாகவும் அதனால் இந்த விபரீத முடிவை எடுத்திருக்கலாம் என்றும் தெரிவித்துள்ளார். தடய அறிவியல் நிபுணர்கள் ஆய்வு செய்ததில், உதவி ஆய்வாளர் ராஜி உடலில் இருந்து பெட்ரோல் வாசனை வந்துள்ளது. அதுமட்டுமில்லாமல் அவர் இறந்துகிடந்த அறை முழுவதும் பெட்ரோல் ஊற்றப்பட்டதற்கான தடயங்களும் கிடைத்துள்ளது. போலீசார் அந்த பகுதியில் உள்ள கண்காணிப்பு கேமரா காட்சிகளை ஆய்வு செய்தபோது, சம்பவத்தன்று சிசிடிவி கேமராவில் ராஜியின் வீட்டு வாசலில் இருந்து ஒருவர் பைக்கில் சென்றது தெரியவந்தது. போலீசாரின் சந்தேகம் செல்வராணி பக்கம் திரும்பியது. செல்வராணியிடம் போலீசார் நடத்திய கிடுக்குப் பிடி விசாரணையில் பல திடுக்கிடும் தகவல்கள் வெளியானது. சிறுமிக்கு மயக்க மருந்து கொடுத்து பாலியல் வன்கொடுமை..! கடந்தாண்டு ஜூன் மாதம், உதவி ஆய்வாளர் ராஜி 8 வயது சிறுமிக்கு மயக்க மருந்து கொடுத்து பாலியல் வன்கொடுமை செய்ததாக புகார் எழுந்தது. இந்த வழக்கில் ராஜி கைதாகி சிறை சென்றுள்ளார். இன்ஸ்டா பழக்கம்..! செல்வராணிக்கு இன்ஸ்டாகிராம் மூலம் தேவா என்பவர் அறிமுகம் ஆகியுள்ளார். இருவரும் நட்பாக பழகி வந்துள்ளனர். ராஜியை சிறையில் இருந்து பிணையில் விடுவிக்க தேவா செல்வராணிக்கு உதவி செய்து வந்துள்ளார். அப்போது, இருவரும் நெருங்கி பழகியதால் திருமணத்தை மீறிய உறவில் இருந்துள்ளனர். இதனையடுத்து, ராஜி சிறையில் இருந்து பிணையில் வெளியே வந்துள்ளார். "கணவன் கதையை முடித்துவிடலாம்" ராஜி தனக்கு பாலியல் ரீதியாக டார்ச்சர் செய்து வருவதாக செல்வராணி தேவாவிடம் தெரிவித்துள்ளார். அப்போது, கணவன் கதையை முடித்துவிடலாம் என்று கூறி தேவா ஐடியா கொடுத்ததாக சொல்லப்படுகிறது. பெட்ரோல் ஊற்றி எரித்துக் கொலை..! அதன்படி, செல்வராணி தனது கணவருக்கு உணவில் மயக்க மாத்திரையை கலந்து கொடுத்துள்ளார். ராஜி, ஆழ்ந்த உறக்கத்தில் இருந்தபோது, அவரது உடலில் பெட்ரோல் ஊற்றி இருவரும் எரித்து கொலை செய்துள்ளனர். பின்னர், போக்சோ வழக்கு பற்றி மன உளைச்சலில் இருந்ததால் கணவர் உயிரை மாய்த்துக் கொண்டதாக செல்வராணி நாடகம் ஆடியுள்ளார். இருவரும் கைது..! போலீசார், செல்வராணியை கைது செய்து விசாரணை மேற்கொண்டு வருகின்றனர். இந்த கொலைக்கு மூளையாக செயல்பட்ட செல்வராணியின் ஆண் நண்பர் தேவா தலைமறைவான நிலையில், போலீசார் அவரை தேடி கண்டுபிடித்து கைது செய்துள்ளனர்.