மகளிர் கட்டணமில்லா பேருந்து பயணத்தை விரிவுபடுத்தும் வெற்றிப் பயணம் திட்டத்தை முதலமைச்சர் விஜய் வரும் அக்டோபர் 2ஆம் தேதி தொடங்கி வைக்க இருக்கிறார். வெற்றிப் பயணம் திட்டத்தின் முன்னேற்பாடுகள் தொடர்பாக தலைமைச் செயலகத்தில் முதலமைச்சர் விஜய் ஆலோசனை நடத்தினார். தற்போது, 7 அரசு போக்குவரத்துக் கழகங்களின் நகர சாதாரணப் பேருந்துகள் மற்றும் 40 கி.மீ. வரையிலான மலைப்பகுதி சாதாரணப் பேருந்துகளில் மகளிர் கட்டணமின்றிப் பயணம் செய்து வருகின்றனர். "வெற்றிப் பயணம் திட்டத்தின் மூலம் இச்சேவை மாநகர, நகர்ப்பகுதிகளில் இயங்கும் Express. LSS, டீலக்ஸ் அரசுப் பேருந்துகள், புறநகர் சாதாரணப் பேருந்துகள் மற்றும் 40 கி.மீ.க்கு மேற்பட்ட மலைப்பகுதி சாதாரணப் பேருந்துகள் ஆகியவற்றிற்கும் விரிவுபடுத்தப்பட்டு, மொத்தமாக 69 விழுக்காடு அளவில் 12,692 பேருந்துகள் இத்திட்டத்தின்கீழ் கொண்டுவரப்படவுள்ளன. நாளொன்றுக்கு சுமார் 84.32 இலட்சம் மகளிர் இத்திட்டத்தின்மூலம் பயன்பெறுவார்கள் என்று தெரிவிக்கப்பட்டுள்ளது.