வாஷிங்டனில் உள்ள அமெரிக்க அதிபரின் வெள்ளை மாளிகையில் நடைபெற்ற செய்தியாளர்களுக்கான இரவு விருந்தில் அதிபர் டிரம்ப்புடன், பாதுகாப்பு அமைச்சர் பீட் ஹெக்செத் உள்ளிட்ட அமைச்சர்களும், அரசு அதிகாரிகளும் கலந்துகொண்டனர். சிறப்பாகச் செயல்பட்ட வெள்ளை மாளிகை அதிகாரிகள் மற்றும் செய்தியாளர்களுக்கு அதிபர் டிரம்ப் விருதுகளை வழங்கினார். இந்நிகழ்ச்சியில் பேசிய அவர், டிரம்ப் 2028 என எழுத்துகள் பொறிக்கப்பட்ட சிவப்பு நிறத் தொப்பியை அணிந்துகொண்டு, தாம் அதிபர் பதவிக்கு மீண்டும் போட்டியிட விரும்புவதாகக் குறிப்பிட்டார். அமெரிக்க அரசியல் சாசனச் சட்டப்படி ஒருவர் இரண்டு முறைக்கு மேல் அதிபர் ஆக முடியாது என்பது குறிப்பிடத்தக்கது. இருப்பினும், பல சந்தர்ப்பங்களில், தான் அதிபர் பதவிக்கு மீண்டும் போட்டியிட விரும்புவதாக டிரம்ப் தெரிவித்துள்ளார்.