சம்பந்தமே இல்லாமல்..ஒரு இத்துபோன நாற்காலியை காலுக்கு அடியில் போட்டு , தலைவருக்கான தகுதி குறித்து பிக்பாஸ் நிகழ்ச்சியில் கடுமையாக விமர்சித்தார் விஜய் சேதுபதி. அவர் முதல் அமைச்சர் விஜய்யை மறைமுகமாக விமர்சிப்பதாக தவெகவினர் எதிர் வினையாற்றினர். கடந்த காலங்களில் இ.பி.எஸ், ஓ.பி.எஸ் அதிகாரத்தில் இருக்கும் போது மலைகள் வெட்டி கடத்தப்படுவதாக ஆதங்கப்பட்டார் VJS. கடந்த 5 ஆண்டுகளில் மலைகள் உடைக்கபடவில்லையா ? மணல் கடத்தப்படவில்லையா ? அப்போதெல்லாம் இந்த மனிதர் எதிர்த்து பேசாமல் கோமா மோடுக்கு சென்றது ஏன் ? என்றும் மறுபடியும் ஆட்சி மாறியவுடன் 4 மாதங்களில் முதலவர் விஜய்யை மறைமுகமாக விமர்சிப்பது ஏன் ? என்றும் சரமாரியாக கேள்விக்கு உள்ளானார் VJS. விஜய் சேதுபதியின் படம் வரட்டும் என்று விர்ஜூவல் வாரியர்ஸ் வெறி கொண்டு காத்திருக்க, முதலில் சிக்கியது அட்லி தயாரிப்பில் VJS நடித்துள்ள பத்தா படம்..! இந்த படத்தின் அறிமுக விழாவில் பேசிய அட்லி விஜய் சேதுபதியின் பேச்சுக்கு பதில் அளிக்கும் விதமாக , இன்றைக்கு சிறு குழந்தைகள் கூட சட்டசபை நிகழ்ச்சிகளை பார்க்க காரணம் முதல் அமைச்சர் விஜய் அண்ணா என்றும் இனிவரும் தலைமுறையினர் அரசியலை புரிந்து கொள்ள வைத்திருப்பதாக முதல் அமைச்சர் விஜய்யை வானளாவ புகழ்ந்தார். அட்லி பேச பேச விஜய் சேதுபதி ஷாக்காக அமர்ந்திருந்தார். ஆரம்பத்தில் ரொம்ப ரொம்ப பாலிசாக சூப்பர் ஸ்டார் ரஜினிகாந்த் பாணியில் பொதி சுமக்கும் கழுதை குறித்த குட்டிக்கதை ஒன்றை கூறி தொடங்கிய அட்லி “எங்க அண்ணனுக்கு ஒன்னுன்னா எம் படத்தோட ஹீரோவையே அடிப்பேன்” என்பது போல பேசி முடித்தார் இயக்குனர் அட்லி. அட்லியின் ஆதரவு வாய்ஸின் பின்னால் தொழில் ரகசியம் மறைந்துள்ளதாக கூறும் திரையுலகினர், பல கோடி முதலீட்டில் அட்லியின் தயாரிப்பில் எடுக்கப்பட்டுள்ள பத்தா படம் விர்ஜூவல் வாரியர்ஸின் கடும் விமர்சனத்துக்குள்ளாகி தோல்வி அடைந்தால் பொருளாதார இழப்பு ஏற்படும் என்பதால், உஷாராகி முன் கூட்டியே “ஏம்பா சிவனாண்டிஸ் ... எம் பையன் கையில கூட தான் மச்சம் இருக்கு... அவன தப்பா நெனச்சிடாதீங்க என்று வாலண்டியராக வந்து வண்டியில் ஏறி இருப்பதாக நெட்டிசன்கள் கலாய்த்து வருகின்றனர். இதற்கிடையே பிக்பாஸ் கருத்துக்கள் வெளியில் உள்ள எவரையும் குறிப்பிடுபவை அல்ல என்று பொறுப்பை துறந்து பொறுப்பாக பேசி உள்ளார் விஜய் சேதுபதி.