23,000 திரையரங்குகளில் நாளை வெளியாகும் 'தி ஒடிஸ்ஸி'... உலக சினிமாவில் புதிய மைல்கல் படைக்கும் கிறிஸ்டோபர் நோலன்! ஹாலிவுட்டின் முன்னணி இயக்குநர் கிறிஸ்டோபர் நோலன் இயக்கியுள்ள பிரம்மாண்ட திரைப்படமான 'The Odyssey' நாளை (ஜூலை 17) உலகம் முழுவதும் திரையரங்குகளில் வெளியாகிறது. ஹோமரின் புகழ்பெற்ற கிரேக்க காவியத்தை அடிப்படையாகக் கொண்டு உருவாகியுள்ள இந்த திரைப்படம், 73 நாடுகளில் சுமார் 23,000 திரையரங்குகளில் ஒரே நேரத்தில் வெளியாக உள்ளது. மேலும், 2,500-க்கும் அதிகமான IMAX திரைகளிலும் படம் வெளியாகவுள்ளதால், உலக சினிமா வரலாற்றில் மிகப்பெரிய வெளியீடுகளில் ஒன்றாக இது அமைகிறது. மாட் டேமன், டாம் ஹாலண்ட், ஆன் ஹாதவே, ராபர்ட் பாட்டின்சன், சென்டயா உள்ளிட்ட முன்னணி ஹாலிவுட் நட்சத்திரங்கள் நடித்துள்ள இந்த திரைப்படம், IMAX தொழில்நுட்பத்தில் பிரம்மாண்டமாக உருவாக்கப்பட்டுள்ளது. இந்தியா உள்ளிட்ட பல நாடுகளில் முன்பதிவு விற்பனைக்கு சிறப்பான வரவேற்பு கிடைத்துள்ளதால், முதல் நாளிலேயே மிகப்பெரிய வசூல் சாதனை படைக்கும் என திரையுலக வட்டாரங்கள் எதிர்பார்க்கின்றன. மிகப்பெரிய வெளியீட்டு அளவு, பிரம்மாண்ட தொழில்நுட்பம் மற்றும் நட்சத்திர பட்டாளம் ஆகியவற்றால், 'The Odyssey' இந்த ஆண்டின் மிகவும் எதிர்பார்க்கப்படும் ஹாலிவுட் திரைப்படங்களில் ஒன்றாக உருவெடுத்துள்ளது.