தவறுக்கு உடந்தையாக இருந்தவர்களும் சட்டத்தின் முன் நிறுத்தப்பட வேண்டும்..!

தவறு செய்தவர்கள் மட்டுமல்ல, தவறுக்கு உடந்தையாக இருந்தவர்களும் சட்டத்தின் முன் நிறுத்தப்பட வேண்டும் என ஜெம் வீரமணி பாலியல் வழக்கு குறித்து தி.மு.க துணைப் பொதுச்செயலாளர் கனிமொழி வலியுறுத்தியுள்ளார். இது குறித்து சமூகவலைதளத்தில் பதிவிட்ட அவர், சமூகத்தில் மதிப்பிற்குரியவர்களாகக் கருதப்படுபவர்கள், குழந்தைகள் மீது கொடூரமான செயல்களில் ஈடுபட்டிருப்பது அதிர்ச்சியளிப்பதாக கூறியுள்ளார். 1990களில் இருந்தே இக்குற்றச்சம்பவங்கள் நடைபெற்று வந்திருப்பதாகக் கூறப்படும் நிலையில், இத்தனை ஆண்டுகளாகத் தொடர்ந்து இத்தகைய கொடுஞ்செயல்களில் ஈடுபட முடிந்திருப்பது கவலையளிப்பதாகவும் குறிப்பிட்டுள்ளார்.