இந்தியாவில் இஸ்லாமியர்கள் இருக்கக்கூடாது என நினைப்பவர்கள் உண்மையான இந்துக்களாக இருக்க முடியாது என RSS தலைவர் மோகன் பகவத் தெரிவித்துள்ளார். நியூயார்க்கில் நடைபெற்ற நிகழ்ச்சியில் பேசிய அவர், அனைவரையும் சமமாக நடத்துவதே இந்துத்துவத்தின் அடிப்படை கொள்கை என வலியுறுத்தினார். மேலும், அமெரிக்காவில் வசிக்கும் இந்தியர்கள் தங்களின் கர்ம பூமியான அமெரிக்காவுக்கு விசுவாசமாக இருக்க வேண்டும் என்றும் மோகன் பகவத் தெரிவித்தார். அதேநேரத்தில், தங்களின் ஜென்ம பூமியான இந்தியாவுக்காக ஏதாவது செய்ய விரும்பினால், இந்தியாவின் பாரம்பரிய விழுமியங்களையும் பண்பாட்டு மதிப்புகளையும் தங்களது வாழ்வில் கடைபிடிக்க வேண்டும் என்றும் அவர் அறிவுறுத்தினார்.