பதின்ம வயதினரின் மன உளைச்சல் குறித்து பெற்றோருக்கு எச்சரிக்கை..!

பதின்ம வயதினர் (Teens) மன உளைச்சலில் இருக்கும் அறிகுறிகள் தென்பட்டால், அதை உடனடியாகப் பெற்றோர்களுக்கு எச்சரிக்கும் (Alert) புதிய பாதுகாப்பு வசதியை 'Meta AI' அறிமுகம் செய்துள்ளது. தற்கொலை மற்றும் சுயகாயம் சார்ந்த உரையாடல்களைப் பொறுப்புடன் கையாளும் வகையிலும், ஆபத்தான சூழல்களில் பயனர்களுக்குத் தேவையான வழிகாட்டுதல்களை அளிக்கும் வகையிலும் இந்த வசதி அறிமுகம் செய்யப்பட்டுள்ளது. இளைஞர்களின் உணர்வுகளைப் புரிந்து கொண்டு, அவர்களுக்கு பெற்றோர், நிபுணர்களின் உதவி எண்கள் அல்லது அவசர சேவைகள் மூலம் இணையத்திற்கு வெளியே (Offline Support) உடனடி உதவி கிடைப்பதை இது உறுதி செய்கிறது.