"ஓடுவது லீடருக்கான தகுதி இல்லை" அண்மையில் விஜய் சேதுபதி, போட்டியாளர்கள் அனைவரிடமும் ஜனநாயகம் என்றால் என்ன? தலைவர் என்றால் யார்? என அவரவர் கருத்தை கேட்டார். அப்போது பேசிய அவர், "லீடர்னா என்னவென்று தெரியாமல் லீடர்ஷிப் என்றால் என்னவென்று தெரியாமல், வாய்க்கு வந்த மாதிரி வாக்குறுதிகளை அள்ளி கொடுத்துவிட்டு பிரச்னையும் பொறுப்பும் வரும்போது எதிரணி மேல் பழியை தூக்கி போட்டுவிட்டு, அங்கிருந்து தெறித்து ஓடுவது லீடருக்கான தகுதி இல்லை. அதெல்லாம் ஏமாற்று வேலை என பேசியிருந்தார். இந்த வீடியோ சமூக வலைதளங்களில் வைரலாக பரவிய நிலையில், இவர் முதலமைச்சர் விஜய்யை தான் தாக்கி பேசியுள்ளதாக பலரும் கருத்து தெரிவித்து வந்தனர். இதனை பார்த்து கடுப்பான விர்ச்சுவல் வாரியர்ஸ், விஜய் சேதுபதி மீது முன்பு எழுந்த குற்றச்சாட்டுகளை எல்லாம் லிஸ்ட் போட்டு ட்ரோல் செய்ய ஆரம்பித்துள்ளனர். விஜய் சேதுபதியை பாராட்டிய ப்ளூ சட்டை மாறன்..! விஜய் சேதுபதியை விர்ச்சுவல் வாரியர்ஸ் எல்லை மீறி விமர்சிப்பது அதிகரித்திருக்கும் சூழலில், சினிமா விமர்சகரான ப்ளூ சட்டை மாறன் தனது சமூக வலைதளங்களில், விஜய் சேதுபதி பேசியதை பகிர்ந்து, "விஜய் சேதுபதியின் துணிச்சல் மிக்க பேச்சு" என அவரை பாராட்டியிருந்தார். "குறுக்க இந்த பிரசாந்த் வந்தா" விஜய் சேதுபதி பேசியது குறித்து, தனது எக்ஸ் தள பக்கத்தில் பதிவிட்ட சினிமா விமர்சகர் பிரசாந்த் ரங்கசாமி, "உங்களுக்கு உண்மையாகவே தைரியம் இருந்தால், மீண்டும் என்னை அழைத்து என்னோடு வாதாடுங்கள்" என கொந்தளிப்போடு பதிவிட்டார். ஆனால் பிரசாந்த் ரங்கசாமி, சில நாட்களுக்கு முன்பு மானம் ரோஷம் எல்லாம் இருந்தால் இந்த ஷோவுக்கு போவீங்களா? என விமர்சித்து விட்டு, அவரே அந்த ஷோவிற்கு சென்றதும், ஆன் ஸ்டேஜில் எவிக்ட் செய்யப்பட்டு வெளியேறியதும் குறிப்பிடத்தக்கது. இதனால் பிரசாந்த் ரங்கசாமியின் இந்த பதிவை பார்த்த பலரும், விஜய் சேதுபதியை விட்டுவிட்டு தற்போது பிரசாந்த் ரங்கசாமியை கலாய்த்து வருகின்றனர். பெருந்தன்மை இல்லையா? - விர்ச்சுவல் வாரியர்ஸ் முதலமைச்சர் விஜய்யும், விஜய் சேதுபதியும் மாஸ்டர் படத்தில் இணைந்து நடித்தனர். அப்போது, படத்தின் போஸ்டர்களில் முதலில் 'விஜய்' என்ற பெயர் மட்டுமே வந்த நிலையில், அடுத்தடுத்த போஸ்டர்களில், மக்கள் செல்வன் விஜய் சேதுபதி பெயரும் இடம் பெற வேண்டும் என விஜய் கேட்டுக் கொண்டதால், படக்குழு விஜய் சேதுபதி பெயரை சேர்த்ததாக சொல்லப்படுகிறது. இந்த சம்பவத்தை நினைவு கூர்ந்த விர்ச்சுவல் வாரியர்ஸ் சிலர், அவரின் பெருந்தன்மை உங்களுக்கு இல்லாமல் போய்விட்டதே என விஜய் சேதுபதியை விமர்சித்து வருகின்றனர். இப்படி ஒருபக்கம் விஜய் சேதுபதியின் பேச்சிற்கு ஆதரவும், மற்றொரு பக்கம் எதிர்ப்பும் சமூக வலைதளங்களில் கிளம்பியுள்ளன. -தயாநிதி